Shillong, Nailur 16: Ki pulit mynta ka sngi kila pyntip ba kawei ka long kmie na Tura kaba phah sumar ha MIMHANS Shillong kala khlad ha ka 10/09/2019 ha katei ka jaka sumar . Kane ka long kmie kaba la khlad la tip kyrteng kum ka Gongme Marak 56 snem.
Na ka liang jong ki pulit kila iathuh ba ia kane ka long kmie la wanrah sha hospital MIMHANS, Shillong ha u snem 2011 bad kala shah sumar ha kane ka hospital naduh katei ka snem haduh ban da khlad.
Ki pulit kila pyntip ba lada don kiba ithuh ia Gongme Marak, kin sngewbha ban leit ban shim ia ka met jong ka na Civil Hospital Shillong, na ka bynta ka jingtip kaba thikna kin sngewbha ban phone kine ki number 0364-2224818 bad 0364- 2224400 jong ka Sardar Police Station.
