Shillong, Nailar 26: U Director ka tnad ka koit ka khiah mynta ka sngi la iathuh ba la wanrah ia u wei u briew u ba la tip kyrteng kum u Rajendra Shah 70 snem sha Civil ha kaba ki doktor kila pynbna ba u la khlad shuwa ban poi sha Civil Hospital Shillong ha ka por 3.30 baje noh phai sngi.
Haba kren ha ki lat pathai khubor la iathuh ba une u rangbah la test COVID-19 Positive na Kamakhya Compound kaba don ha Anjalee, la iathuh ba une u briew u la ur ha iing sah jong u bad kiba ha iing kila rah ia u sha Civil Hospital Shillong.
Haba ia dei bad kane na ka liang jong ka tnad ka koit ka khiah ki dang hap ban wad bniah ia ka daw jong ka jingkhlad noh jong u ne u rangbah ia mynta ym pat lah ban shim ia ka jingkhien namar ki dang hap ban peit ia ka daw jong ka jingkhlad jong u.
