Shillong, Nailar 13: U General Secretary barim ka seng lehnoh HNLC u bala wan ban pyndem noh ia lade ha khmat ka sorkar u bah Cherishterfield Thangkhiew u la khlad mynta ka step ha ka jingsiat ki pulit ha iing sah jong u ha Mawlai Kynton Massar.
Katkum ki khubor kiba la ioh la ong ba ki pulit kila leit ban khynra ha iing sah jong u ha por kumba lai baje mynstep bad ha kane ka por kala don ka jingialeh bad la kynnoh ba ki pulit kila siat pynmynsaw bad la rah ia u sha Hospital ha kaba la ong ba u la dep khlad.
Lah ban pynkynmaw ba u bah Cherishterfield Thangkhiew u la wan ban pyndem ha khmat ka sorkar ha u snem 2018. Kat haduh ba thoh ia kane ka khubor haba la kylli na ki pulit kim pat ai kano kano ka jingpynshai ha kaba ia dei bad kane ka jingkhlad jong u bah Thangkhiew.
