New Delhi, Rymphang 06: Ka Ministry of Food Processing Industries (MoFPI) kala pdiang ban pynmih ia ki jingshna kawei ka District kawei ka mar ia kaba la tip ia kane ka skhim jong ka sorkar pdeng “One District One Product” ha ki 713 tylli ki District ha ka Ri India baroh kawei.
Kane ka long ha ki 35 tylli ki jylla bad ki Union Territory haka Ri India lyngba ka skhim “PM Formalisation of Micro food processing EnterprisesScheme” ia kane ka leh katkum ka jingai jingmynjur jong ki sorkar jylla da ka jingia mir jingmut lang bad ka tnad rep ka sorkar pdeng.
Kum shibynta jong ka “Atmanirbhar Bharat Abhiyan” lyngba ka ka tnad shna jingbam ka sorkar pdeng ia kaba la bei pisa na ka “PM Formalisation of Micro food processing Enterprises Scheme”.
Ban ai jingkyrshan ban seng ia ki kam ki jam bad kane ka skhim ka mang kawei ka jait kam na ka bynta kawei ka District. Na ka bynta kane ka sorkar pdeng kala pynlait pisa T.1289.15 klur sha ki 36 tylli ki jylla bad ki UTs.
Haba phai sha ka jylla Meghalaya na ki 12 tylli ki District 11 tylli ki District kila shah jied bad kaba lai dei ka Eastern West Khasi Hills District, ia ka East Khasi Hills la mang ban pynmih Sohiong, South West Khasi Hills ban pynmih Umngap, Ri Bhoi Sohtrun.
Ka East Jaintia Hills bad West Jiantia Hills ia u Shynrai, North Garo Hills ia ka kaid, East Garo Hills Sohtrun, South Garo Hills Sohphan, South West Garo Hills Sohtrun, West Khasi Hills u Syieng bad West Garo Hills Kashewnut.
