Jowai,Jylliew 28: Ki ar tylli ki Seng bhalang ka Jaintia Students’ Union (JSU) bad ka Jaintia Youth Federation (JYF) ha dien ba la iohi iaka jingpynshai paidbah u Dapoiwanmi Laloo president MPUF lyngba ki lad pathai khubor ba u kam trai iaka iew China Bazar ha Iaw musiang Jowai, ki la pynpaw iaka jingsngew thamula ba u la kam ba u dei u trai jong katei ka iew china bazaar, tangba um ithuh satia iaki nongtrei jong u, bad kane hi ka pyni ba u shu pynshai tang ban darap jot ia lade hakhmat ki paidbah.
Ha ka sngi ba leit kynra kot iaka Iew China Bazzar u trai jong ka iew china bazaar uba dei u bar jylla u la ong ba u dei tang u manager bad u ioh ka tulop kumba 8000/- shibnai na u malik jong u, u ba ym ithuh kyrteng, Bad une u bar jylla um don satia iaki kot ki sla kum ka Labour lisence bad kiwei kiwei.
Haba la wanmih u Dapoiwanmi Laloo hapoh China Bazzar u la kam ba ka dei ka jong u bad ym don ba lah ban tuklar da mano mano ruh namar u la biang lut ki kot ki sla bad katkum ka ain, bad shiphang pat u ong ba u ialeh partnership bad u bar jylla bad ka jingioh ka long mar kat juh (50-50), ha kajuh ka khylliap mat u ong pat ba u la thied duh iaka ne ka iew china bazar, bad haba pan ban pyni ia kita ki kot ki sla ban pynshisha bad katno u ai nong iaki nongtrei bad u manager jong u, u khlem lah satia ban pynshai lane ban jubab, katba ki nongtrei pat ki ong ba ki ithuh tang ia uto u bar jylla uba shong ha counter shim pisa, bad iaka tulop ruh ki ioh na une hi u bar jylla hi. Bad haka jingpynshai paidbah pat u dapoiwanmi u ong u la dep thied duh 90,000/-. Tyngka.
Ha kane ka sngi ba leit kynra u dapoiwanmi Laloo president MPUF khlem da burom shuh iaki nongtrei jongka JHADC bad ki nongthoh khubor u la phone sha u OC ka jwai police Station ban wan hapoh China Bazar ban kem ia ngi baroh kiba wan rung jubor hapoh ka iew china bazaar kaba la kam da ma u, katba mynta pat u ong ba dei ka JSU bad JYF kiba ai kyrteng China Bazar.
Ha kaba iadei pat bad ka FIR kaba la hukum da utei u president ka MPUF iaki pulit ban register mukotduma pyrshah iaki nongialam jong ka JSU bad JYF, lim da sngew kyndit ia kane ka jingujor ejahar namar ki ieng ha nongrim ban iada ia ki tri ri trai muluk pyrshah ia ki nongwei kiba wan ban ia knieh ia ka kam khaii kaba ki trai ri ki dang lah hi ban leh dalade, tangba u nongdie kyrteng u hap ban shim ka jingkitkhlieh lada ki nongkhaii trai ri ki ieng pyrshah ia ka jingiada jong u ia ki bar jylla ong kine ki nongialam seng bhalang.
Na ka liang kine ki nongialam jong kine ki ar tylli ki Seng kila ong lyngkot kumne ” ngi long kiba la pynkhreh ban pdiang ia kiei kiei baroh naka bynta ban iada iaka Jait bynriew naka umsaw kat kaba ngi lah ei ka buit ka bor, bad ngin ym aili lane ban shong klikti ia kiei kiei ki ban pynjot pynpra iaka jaitbynriew”Kane ka long katkum ka kyrwoh khuborba la phah da ki arseng lyngba u Tricky mukhim pulicity secy JSU bad u Bright star Chyrmang Joint Secretary ka JYF.
