Shillong, Jymmang 01: Ka ophis jong u planning ophisar jong ka East Jiantia Hills District ka khot aplikoshon biang na ki seng trei moh sngewbha kiba dei hapoh jong ka East Jiantia Hills District na ka bynta ban ai jingiarap pisa ban pynlong ia ki jingai jinghikai kumno ban kyntiew ia ka ioh ka kot katkum ki kyndon kiba la buh da ka sorkar.
Ka jingiarap pisa na ka sorkar kan ai sha kito ki seng katkum ka jingphah jong ki ia ki jingthmu kaba ki kwah ban leh. Ia ki jingtyrwa kaba la phah da ki seng trei mon sngewbha yn sa bishar bniah da ka District Level Empowered Committee bad kane ka committee kan ai ia ka rai.
Ki seng treimon sngewbha kiba kwah ban apply ki lah ban leit shim ia ki aplikoshon phom kiba la pynkhreh da ka ophis na ka ophis jong u District Planning Officer, East Jaintia Hills District, Khliehriat. Kiba kwah ki lah ban leit ban shim shuwa ka 18 tarik mynta u bnai. Ha dien katei ka tarik ba la buh yn nym lah ban pdiang shih.
