Shillong, July 06: Ka tand ialehkai jong ka sorkar jylla kala khot application naka bynta ki samla ka jylla ban ia khusnam lyngba ka tand Ministry of Youth Affairs jong ka sorkar pdeng na ka bynta jong u snem 2013-2014 na ki seng bhalang lane na ki riew shimet na ka bynta kito kiba la trei na ka bynta ban kyntiew ia ka ri.
Na ka bynta ki riew shimet kiba apply ki dei ban long ha pdeng 13 haduh 35 snem ka rta bad haduh ka 1 tarik jong u bnai iaiong mynta u snem ka rta jong ki kim dei ban duna ia ka 13 snem.
Na ka bynta ki kynhun trei mon sngewbha ki dei ban long kiba la register hapoh ka ain Registration of Societies Act, 1860 (Act XXII of 1860) bad kano kano ka jylla bad kim dei ban duna ia ka lai snem kumka kynhun.
Ia ki jingtip kiba kham bniah ki lah ban ioh na ka tand ialehkai jong ka sorkar jylla bad ia ki application ki lah ban phah ha lane shuwa ka 31 tarik mynta u bnai.(SP News)
