Shillong Naitung 14: U Deputy Commissioner, East Jaintia Hills District mynta ka sngi u la khot ia ka jingialang jong ki waheh shnong bad ki secretary shnong ha Khliehriat ban ia kren kumno ban ieng hala ki jong ki kjat ha ka liang ka kamai ka jih.
Ha kane jingialang u Bah M S Lhuid u la ong ba ka jingkhot ia kane ka jingialang ka long kumno ban pynneh pynsah ia ka shong suk shong sain ha poh jong ka District da ka jingiatreilang ki bor shnong bad ki bor jong ka District Administration ban pynneh pynsah ia ka shong suk shong sain.
Ha kane ka jingialang na ka liang jong u DC u la kyntu ruh ia ki briew bakumno ki dei ban leh ban ieng hala ki jong ki kjat da kaba sdang ban seng ia la ki jong ki kam jong ki da kaba rep bariang ban ring jingri bad kum juh ban pynshlur ia ki kam jngohkai pyrthei. Kane kan iarap ban pynioh kam ia ki samla khlem kam.
Ha kane ka jingialang la don lang ruh u SP Bah N. Lamare, u Dolloi jong ka Rymbai Elaka ka kong . C. Mawkon, Block Development Officer, Wapung C&RD Block. Ha kane ka jingialang la pyni ia ki lad ki lynti kumno ban seng ia la ki jong ki kam ki jam.
