New Delhi, Naitung 11: U Deputy Secretary of State William Burns jong ka Ri America mynta ka sngi u la leit ban ia kynduh ia u myntri rangbah duh jong ka Ri India u Narendra Modi.
U Burns ha kane ka jingiakynduh u la ai ia ka shithi kaba la phah da u President Obama sha myntri rangbah duh jong ka Ri India, ha kane ka shtihi la thoh ba u president ka America u khot sngewbha ia u Modi sha ka tei ka Ri ha u bnai Nailur na ka bynta ban wanrah ia jingiatreilang kaba kham jam hapdeng kine ki ar tylli ki ri ban kyntiew ha kane ka spah snem kaba 21th kaba mynta.
Ha kane ka jigniakynduh na ka liang jong u myntri rangbah duh jong ka Ri India u Modi u la ai khublei ia u President Obama na ka bynta kane ka jingkhot jong u sha katei ka Ri bad ka jingkwah jong u myntri rangbah buh jong ka Ri India ka long ban ia pynkhlain ia ka jingiadei hapdeng kine ki ar tylli ki Ri ha kiba bun ki liang.
U myntri rangbah duh jong ka Ri India u la ong ba kane ka jingiadei hapdeng kine ki ar tylli ki ri kiba don ia ka synshar paidbah kamd ei ban long tang na ka bynta ban ioh nong hapdeng kine ki ar tylli ki Ri hynrei ka dei ban wanrah ia ka bor ban wanrah ia ka shongsuk shong sain ha ka pyrthei bad ban kyntiew ia ka ioh ka kot kum juh.
Ha kane ka jingiakynduh na ka liang jong u Burns u la rah ia ka khubor jong u President Obama’s ba u kwah ban pynkhlain ia ka jingiadei ha ka khaii pateng hapdengkine ki ar tylli ki ri bad ha kiba bun ki liang la ka dei ha ki kam iada ri bad ki kam ban ia khun pyrshah ia ki kam lehnoh.
U myntri rangbah duh jong ka Ri u la pynsngew ba u kwah ban don ka jingiadei kaba bad baroh ki Ri kiba dei hapoh jong kane ka dewbah Asia. U la pynkynmaw ba u Obama u la phone ia u mar ia dep niew vote bad u don ka jingkyrmen ba kane ka jingiadei kan ia rap habaroh ki liang.
Ha kane ka jingiakynduh la don lang ruh u National Security Adviser u Ajit Doval, ka Foreign Secretary ka Sujatha Singh, na ka liang jong ka pat la don lang u Kathleen Stephens ba dei peit ia ki kam iada ri, Assistant Secretary of State ba dei peit ia kane ka dewbah Asua bad Nisha Biswal ruh la don klang ha kane ka jingiakynduh la ong ka khubor sorkar lyngba ka PIB.(SP News)
