Shillong, Kyllalyngkot 01: U Myntri Rangbah ka jylla u Conrad K Sangma mynta ka sngi u la khot ia ka jingialang jong ki lai tylli ki tnad sorkar, ka tnad bording elektrik, ka tnad sam um, ia ki ophisar ka tnad ka koit ka khiah bad ia ka tnad sha Surok ha DC ophis ha Tura, ia lane la pynpaw hapoh ka X.
U Myntri rangbah ka jylla u la khot kyrpang iakane ka jingialang ban ia kren halor ka jingtei ia ka Tura Medical College kaba dang iai sha khmat mynta ha Tura bad ban weng ia ki jingeh kaba don ha pdeng kane ka jingtei ia kane ka Medical College.
Ha kane ka jingialang la bthah ia u Deputy Commissioner jong ka West Garo Hills District ban ai ka jingiatreilang ban ai ka jingkyrshan ban pynsuk naka bynta ban pyntrei ia kane ka jaka pule doktor ban pyndep ha ka por ba biang.
Kiwei pat ki lat khubor ki iathuh ba ka jingeh kaba ia kynduh mynta ha ka jingtei ia Medical College ka long ba ka surok kam long kaba biang, ka jingbymbiang ka surok kala buh ha ka jingeh ha ka kit ka bah.
Naka liang jong ka tnad bording haduh mynta kam pat lah ban pynbiang ia ka bording hs katei ka jaka, ha kane ka jingialang la iakren bakumno ban pynbiang ia ka bor ding kartba ka jingtrei ruh ka dang iaid sha khmat.
Na ka liang jong u myntri rangbah ka jylla u la shim khia ban pynthikna ba kane ka jingtei ia ka Medical College kan dep ha ka por ba biang, ha kane ka sngi ki ophisar ka tnad ka koit ka khiah kila batai bniah ha kaba ia dei bad kane ka Medical College.
