Jowai, Lber 31: Ka Khasi Students’Union(KSU) Jaintia Hills District Unit ka khot ka iawer ia ki paidbah ka Bri U Hynniewtrep sha ka jingiaiaid paidbah ka ban long haka 04 tarik Iaiong 2014 kaba dei Ka Khasi National Awakening Day ne Ka Sngi Kyrsiew Ri. Ka seng ka khot sngewbha ia ki Para Doh, Para Snam,ki Longkmie,ki Longkpa,ki Khun Samla,ki Hep Barit,ki Nongkitkam Shnong,ki Khynnah skul bad Kolej, Ki Para Sengbhalang bad ki Dkhot Barim baroh jong ka KSU ban iawan shongshit sha kane Ka Sngi Kyrsiew Ri ia ka Bri U Hynniewtrep.
Ka KSU JHDU kan pynlong ruh iaka jingiaiaid paidbah ha ka 04tarik Iaiong 2014 kaba dei ka sngi kaba ngi khot ka Khasi National Awakening Day ka ban sdang naduh ka por 1 baje Janmiet. Ha kane ka sngi ka seng ka lah pynbeit da ka jingiaiaid paidbah naduh Ladstadium (Ladthlaboh) shaduh sha District Library, Mynthong ha ryngkat ka jingrah
Dongmusa,Tem Ksing,Tem Bom bad ka Jingphawar.
Kane ka jingrakhe ka long ruh kum shi bynta ka ban i ban kyrsiew thiah ia ki paid ka Bri U Hynniewtrep bad ban pynsngew ia ki jingma kiba ap ia ka jaitbynriew ha kum kine ki por kiba mynta bad ruh kum shibynta ban wanrah iaka jingiatylli hapdeng ki paid u Hynniewtrep Hynniewskum. Kane ka long katkum ka Kyrwoh bala pyllait na u Vice President ka Seng u Samla Ohibait Dkhar.(SP News)
