Shillong, Rymphang 10: Ka seng FKJGP-Khliehriat Circle hapoh ka jingialam u president u bah Michal Chyrmang ryngkat ka jingdon lang ka FKJGP-Jaintia Zone bad Ialam da u bah Marhok kynti Marboh Vice President bad ka FKJGP-East Jaintia hills mynta ka sngi ngi lawan ban khynra trading Licence, labour Licence ha ki thain Ladrymbai bad Dkhiah west.
Na kaliang ka seng nakapor shaka por ki ladep buh jingthoh shaka JHADC ban khynra trading Licence iaki barjylla hapoh East Jaintia namarba kadei ka kamram jong ka council ban leh hynrei ka council kam juh leh eiei dei halor ka jing bymleh ka council ba na kaliang ka seng FKJGP kam bamse ban leit khynra hi.
Haka jingkynra jong ka seng mynta ka sngi ki la ioh i Shibun ki bar jylla kiba don trading Licence hynrei kham bun hi naki dukan kim don pat iaka Labour Licence haba iadei bad ki teer counter pat kiba bun kidon iaki Licence nakaliang ka seng baia kito ki dukan ki bym biang ki kot ki sla ka seng kala aipor hapoh artaiew ban pynbiang bad hadien ka artaiew ka seng kan sa wan khynra biang.
Lada ka seng ka lap biang ba kim biang ka seng kansa leh ia kaba donkam bad kaba pyn sngewsih bad sngewkhia iaka Seng kalong ba ki Shem ruh baka council ka ai licence pathar iaki barjylla khlem da pyrkhat iaki trai jylla bad haka jing peit jong ki lada wan da mano mano ruh, tip na Pakistan ne na bangladesh ne, ka JHADC ka ai thurmur beit iaki Licence khaii.
U bah Chyrmang u la ong ba kane ka jingleh ka JHADC lah ban Ong baka pynkhein iaki kyndon ka council hi namarba katkum ka ain section 10(2)(iv) jong ka United Khasi Jaintia hills District (trading by none-tribals ) Regulations,1954 ka khanglad ban ai trading Licence iaki barjylla lada don ki trai Ri trai muluk kiba lah ban trei iaka juh ka kam katkum katei ka ain.
Ka JHADC kam lah ban ai Licence khaii sha u bar jylla lada ia kita ki jaitkam kiba lah ban leh hi da ki trai jylla peit Nuksa Kum kine ki dukan die Jain,die juti,dukan die waidong bad dukan khapsniuh kum kine ki jaitkam balei ki trai jylla kim lah seh ban trei lada ha kane ka rukom ngi lah ban Ong ha ka jaka baka council kan iada ia ki trai Ri trai muluk hynrei ka iada pynban ia ki barjylla da kaba ai trading Licence.
U bah Chyrmang u la ong ruh ba nakaliang jongka seng FKJGP ki kyntu iaka District council ban sangeh noh ka ai trading Licence sha ki barjylla khnang ban im ki paradoh para snam sa shisien. Ka seng kan kren dakaba shai kane kam dei ka jingsdang lane ka jingkut hynrei kin iai bteng ban khynra sha kiwei ki thain ruh ha kine ki sngi ban wan.
Khadduh ka seng FKJGP ka ai khublei naduh ka police department,ki Media ki ba iadonlang bad ka seng ha katei ka jing khynra bad khamtam ia ki Dorbar Shnong Ladrymbai kiba ai ka jing iatreilang bad seng ha katei ka sngi.
