Shillong, Iaiong 18: U myntri ba dei peit ia ka tnad buh jingkhien ia ki jaka puta u Bah Kyrmen Shylla u haba jubab ia ka jingkylli jong u Bah Adelbert Nongrum, u la iathuh ba ki kam kiba lait hapoh katei ka tnad sorkar baroh ki long 127 tylli.
La iathuh ba ka daw jong ka jingslem ban pynbna paidbah ia kine ki kam kiba lait dei na ka daw byn pat don ia ki kyndon thung kam hapoh kane ka tnad sorkar ia kaba la tip kum ka Service Rule. La ong ba na ka liang jong ka tnad sorkar kala shim khia ban pyndep noh kloi ia kane.
Haba jubab ia ki jingkylli bynrap jong ki dkhot ka iing dorbar, naka liang jong u myntri rangbah u la ong ba ka sorkar kala shim khia ia kane ka kam bad ka jingsahteng baroh ka dei na ka jingbym shim khia jong ki sorkar ha kip or ba la leit noh.
