Shillong, Lber 03: U Myntri Rangbah ka jylla u Conrad K Sangma mynta ka sngi lyngba ka twitter u la pyntip ba 29 ngut ki samla pule ha Ukraine kiba dei na Meghalaya kila poi shuk sha nongbah Delhi.
Ki don ar ngut ki samla pule kiba dang don ha lynti ban poi ha khappud kiwei ki ri bad 11 ngut kila poi sha kiwei ki ri bad shen un sa wanlam noh ia ki sha India, u myntri rangbah ka jylla u la ai khublei ia ka sorkar pdeng halor kane.
Na ka liang jogn ka sorkar pdeng kala pyntip ba mynta ka sngi ki nongshong shnong jong ka Ri India kiba la wan phai na Ukraine ia kiba la wan kit ia ki da ki liengsuin bapher bapher kila kot sha ka 6200 ngut, tang ki samla pule 200 ngut bad 7400 yn sa wan kit ia ki ha kine ki ar sngi ban wan.
