Shillong, Iaiong 18: Mynta ka miet baroh ki ophisar kiba dei ban pyniaid ia ka jingiathep vote ban long la shai ka sngi na ka bynta ka Lok Sabha elekshon 2024 kila poilut sha ki jaka kiba la phah ia ki.
Ki kynhun pulit kiba ka jylla Meghalaya kala ioh na ka sorkar pdeng ban pahara ha kane ka MP eleshon sha Lok Sabha ki long 40 kynhun ki pyrton pulit, na ka kynhun CRPF ki don 26 Pyrton, na ki shipai BSF ki don 6 Pyrton, na ka kynhun SSB ki don 4 Pyrton, bad RPF ki don 4 Pyrton.
Ia kitei ki pyrton pulit kiba dei na ki kynhun bapher bapher jong ka sorkar pdeng la phah sha ki jaka thep vote kiba don 3512 tylli ki jaka thep vote ha ka jylla baroh kawei ban pynthikna ba ka elekshon kan long kba iaid beit iaid ryntih.
Ha kane ka elekshon MP 2024, ha baroh kawei ka jylla kiba la ithuh ba ki lah ban thep vote ha iing ki don 21900 ngut, ki riew tynmen ki don 10180 ngut kiba don jingduna ha dkhot met ki don 11720 ngut.
Na kine kiba la thep vote ha iing ki long 4619 ngut, ki riew tynmen kiba la thep vote ha iing ki long 2387 ngut bad kiba don jingduna ha ki dkhot met ki don 2232 ngut. Kine baroh kiba la thep vote na iing.
