Shillong, Lber 08: U Myntri ba dei peit ia tnad pynroi nongkyndong u Bah Hamletson Dohling haba jubab ia ka jingkylli kaba la wan rah da u bah George B Lyngdoh la iathuh ba ki riew tynmen kiba khlem pat ioh ia ka bai bam tynmen ki don 4493 ngut ha ka jylla baroh kawei.
U Mytnri u la pynshai ba ka daw ba ki riew tynmen kim pat ioh ia ka bai bam jong ki kaba dei lyngba ka National Old Age Pension Schemes ka dei namar ba kim biang ki Bank Akkount , ki IFSC Code bad kiba don ha akkount hapoh psot ophis.
La iathuh hapoh ka iing dorbar ba, ban pynbiang ia ki kot dei na ki trai ba dei ban ioh ia kane ka jingiarap bai bam tynmen bad ban pynbiang ia ki jingdon kam dei da ki briew jong ka ophis kiba dei na ki Blok.
Haba jubab ia ki jingkylli bynrap bala buh da u Bah Geaorge na ka lang jong u myntri la ong ba mar ia dep ban pynbiang ka sorkar kan siew noh ia ka baibam thynmen bad ia kaba sah ruh kan siew noh.
U myntri u la ong ba kane ka jingpynbiang ia ki jingdon kam kala dang iaid sha khmat bad ka sorkar ka ialeh ban peit ba kim pyndep kloi lan ia kane ka ka kam ban pyniasoh bad ka PFMS.
