New Delhi, Jylliew 09: Ka tnat Information and Broadcasting ka la pynbnaia ka bynta kaba ar jong ka Antarashtriya Yoga Diwas Media Samman mynta ka sngi. Hapoh ka Antarashtriya Yoga Diwas Media Samman 2023, yn ai laiphewlai tylli ki Samman ha ki lai tylli ki thup kiba long ka Print, Television bad Radio ha arphew ar tylli ki ktien ka ribad ktien Pharengkumneharum
Ki don 11 tylli ki Samman ha 22 tylli ki ktien ka ri bad ktien Phareng – ban ai hapoh a thup “Best Media Coverage in Yoga in Newspaper” , ki don 11 tylli ki Samman ha 22 tylli ki ktien ka ri bad ktien Phareng – ban ai hapoh ka thup “Best Media Coverage in Yoga in Electronic Media (TV)”, ki don 11 tylli ki Samman ha 22 tylli ki ktien ka ri bad ktien Phareng – ban ai hapoh ka thup “Best Media Coverage in Yoga in Electronic Media (Radio)”
Ha ka jingpynba ia kine ki khusnam na ka bynta u snem 2023, u Myntri Sorkar Pdeng, u Anurag Thakur u la ong ba ka dei namar u Myntri Rangbah Duh, u Narendra Modi ba ngi rakhe ia ka International Day of Yoga, ha ka 21 tarik u Jylliew man u snem bad ba kane ka la wanrah ia ka jingiakhihpaidbah na ka bynta ka koit ka khiah bad ka bha ka miat ha baroh kawei ka pyrthei.
U la ong ruh ba ka Yoga ka la tam ia u pud u sam bad ka deiriti bad ba ka la khring ia ki jingmut jingpyrkhat jong ki million ngut ki briew na kylleng ka pyrthei. Ka dei ka rukom ba pura na ka bynta ka bha ka miat ha ka met ka phad, ka jingmut jingpyrkhat bad ka jingngeit bad ka la khring ia ki briew haduh ba ka la kylla sha ka jingiakhih ha kylleng ka pyrthei.
Kane kan ym shym la urlong khlem ki jingtrei shitom jong ki lad pathai khubor ban pynsaphriang ia ki jingtip bad ban pyni ia ki lad wanrah jingkylla ba ka yoga ka ai. Kum ka jingithuh ia kane, ngakmen ban pynbna ba ka tnat Information and Broadcasting ka la rai ban pynlong ia ka bynta kaba ar jong ka Antarashtriya Yoga Diwas Media Samman mynta u snem.
U Thakur u la ong ruh ba ka Samman ka iarohia ka bynta kaba kyrpang ba ki lad pathai khubor ki don ha ka jingpynsaphriang ia ka yoga hapoh ka ri bad shabar ri. Haba ngi rakhe ia ka International Day of Yoga, ka long kaba donkam ban ithuh ia ka bor bad ka jingbahkhlieh ba ki lad pathai khubor ki don ha ka jingkyntiew ia kane ka rukom kaba hyndai kaba bun ki jingai jingmyntoi.
U la ong ruh ba ki lad pathai khubor ki la wanrah ia ka jingsngewthuh, ka jingiaroh bad ka jingpdiang ia kane ka rukom kaba kyrpang. Ki la lah ban pyni ia ka kum ka rukom kaba baroh ki lah ban pdiang bad ba ym pher lada ki dei ha kanokano ka rta, ki wan na kanokano ka longiingbad ki don kinokino ki sap.
Da kaba ai jingsngewnguhia ki lad pathai khubor kum ki nongplie lad, u Thakur u la ong, “Nga ai jingsngewnguh ia ki lad pathai khubor kiba la trei borbah ban pynsaphriang ia ka yoga ha India bad sha kylleng ka pyrthei. Ka jingtrei shitom jong phi ban pyni ia ki lad wanrah jingkylla jong kane ka rukom ka la don ka bynta kaba khraw ban pyni ba ka yoga ka dei kaba ia ka koit ka khiah bad ka bha ka miat jong baroh.”
Ia ka Samman yn ai jingmut da ka kynhun ki nongbishar. Yn ioh ruh ia ka special media/plaque/trophy bad ka citation. Ki rukom treikam ki ong ba ki lad pathai khubor ki dei ban ai jingtip ha ka rukom ba la pynbiang lypa ha ryngkat ki jingthoh kiba ki la pynmih ne ki video ne jingpynsawa ba ki la pynmih hapdeng ka 10 tarik u Jylliew 2023 haduh 25 tarik u Jylliew 2023. Ka sngi ba khatduh ban phah ia kine ka long ka 1 tarik u Naitung 2023.
Ia ki kyndon kiba kham bniah lah ban ioh ha ki website jong ka Press Information Bureau (https://pib.gov.in/indexd.aspx ) bad ka tnat I&B (https://mib.gov.in/ ). Da kaba ai jingithuh ia ka bynta bad ka jingbahkhlieh jong ki lad pathai khubor ban pynsaphriang ia ka Yoga ha India bad shabar ri, ka tnat I&B ka la sdang ia ka Antarashtriya Yoga Diwas Media Samman (AYDMS) kaba nyngkong ha u Jylliew, 2019.
Ka bynta kaba nyngkong jong kane ka jingsam khusnamka la jia ha ka 7 tarik u Kyllalyngkot, 2020 bad hadien kane ym shym la lah ban bteng ia ka namar ka khlam COVID19. Ka tnat Information and Broadcasting ka la rai ban sdang biang ia ka Samman bad pynlong ia ka bynta kaba ar ha u snem 2023.
Ka International Day of Yoga ka dei kaba la rakhe man u snem ha ka 21 tarik u Jylliew naduh u snem 2015. La ai jingmut nyngkong shaphang ka International Day of Yoga da u Myntri Rangbah Duh, u Narendra Modi haba u la ai jingkren ha ka United Nations General Assembly (UNGA), ha ka 27 tarik u Nailur 2014.
Haba u la ai kane ka jingmut, u Myntri Rangbah Duh u la ong, Ka Yoga ka dei ka jingai sngewbha jong ki rukom ba hyndai jong ka India. Ka dei ka jingtylli jong ka met bad ka jabieng; ka jingpyrkhat bad ka kam; ka jingap bad ka jingpyndep; ka jingiadei kaba ryntih hapdeng u briew bad ka mariang; ka rukom peit ba pura ia ka koit ka khiah bad ka bha ka miat.
Kam dei tang shaphang ka jingkilan met hynrei ka dei ka jingshemia ka jinglong kawei bad ka jinglong lajong, ka pyrthei bad ka mariang. Da kaba pynkylla ia ki rukom im bad ka jingwanrah ia ka jingsngewthuh, ka lah ban ai jingiarap ha ka bha ka miat. To ngin iatrei lang ban pdiang ia ka International Yoga Day.
Hadien kane ka jingai jingmut, ka UNGA ka la pynlong ia ki jingialang halor ka “International Day of Yoga” ha ka 14 tarik u Risaw 2014. Ia ki jingialang la pynlong da ki nongmihkhmat na India. Ha ka 11 tarik u Nohprah 2014, u Permanent Representative jong ka India u la wanrah ia ka draft resolution ha ka United Nations General Assembly. Kane ka la ioh ia ka jingkyrshan kaba iar na 177 ki ri ba long dkhot kiba la kyrshan ia kane bad la pdiang ia ka khlem ka vote. Kane ka sienjam ka la ioh jingkyrshan na ki nongialam jong ki ri kiba bun. 177 tylli ki ri ki la ai jingkyrshan ia ka resolution, kaba long ka jingkyrshan kaba heh tam na ka bynta kanokano ka resolution kum kane jong ka UNGA.
