Shillong, Jymmang 03:Ia ka sngi burom jong ki nongbylla ha shityllup ka pyrthei la rakhe ha ka ar tarik mynta u bnai hapoh jong ka shnong khliehriat ia kaba la pynlong da ka Sub-Divisional Labour Offic, ha kaba la ia treilang bad ka District Legal Service Authority, jong ka East Jaintia Hills District.
Ia kane jingrakhe ia kane ka sngi la pynlong hapoh jong ka Star Cement, ha kane ka sngi u Bah K. L. Nongbri, Additional Deputy Commissioner,jong ka u la ong u kongsan hakane ka sngi. Kiba la ia poi sha kane ka sngi ki long ki nongtrei na ki karkhana pynmih dewbilat kiba don ha kane ka thaiñ.
Haba kren ha kane ka sngi u Bah Nongbri u la ong ba ka jingrakhe ia kane ka sngi ka long ban pynsngewtuh ia ki ba trei bylla ba kin sngewthuh ia la ka jong ka hok kaba ki dei ban ioh, u la ong ba ki nongbylla ki noh ia u syniang u ba khraw ha kaba kyntiew ia ka ioh ka kot jong kano kano ka jaka.
Kiwei kiba la kren ha kane ka sngi ki long u Bah C. P. Mawkon, BDO, jong ka Khliehriat block, u Dr. P. Nongtdu, Principal, Jaintia Eastern College bad u S. Jha, Star Cement na ka liang jong ka star cement.
