Shillong, Jymmang03: U Superintends jong ki pulit jong ka East Khasi Hills u Bah M Kharkrang IPS, ha kaba kren ha ka jingialang paidbah ha Dangar u la ong ba ki nongbylla kiba wan na sha bar ka jylla ki dei ban da register bad ki pulit.
Ka jingialang paidbah kaba nyngkong jong ka VDP ha kane ka thaiñ, ha kane ka sngi ki rangbah shnong na kane ka thaiñ kila ia don lang bad u bah I.O Swer, MPS, SDPO, Sohra u la batai bniah ia ka jingdon kam jong ka Village Defence Organisation Act bad ia ka kam bad ki dkhot jong ka VDP ki dei ban leh.
Ha ka jingkren jong u heh duh jong ki pulit jong ka East Khasi Hills District u la kren bniah bha bad u la ban jur ia ka jingdon kam ban ia trei lang ha pdeng ki paidbah bad ka tand pulit lyngba jong ka VDP.
Ha kane ka sngi u la kren ruh ha kaba ia dei bad ki kam thombor pyrshah ia ki kynthei, ha ka juh ka por u la ong ba ki paidbah kim dei ban ngeit biej ha kaba ia dei bad ki jingkynnoh ha kaba ia dei bad kito ki kam ai ksuid namar kane ka jingngeit biej kala shimnoh ia shibun ki mynsiem briew.
U la ong ba ha kaba kut jong une u snem 2016 man ka shnong ki dei ban don ia ki kynhun VDP kiba la rehister bad ka tand pulit.
