Shillong, Nailur 10: U Secretary jong ka Executive committee jong ka Garo Hills Autonomous District Council (GHADC) ha ka sngi thohideng u la pynmih ia ka jingbthah ba baroh ki nongtrei jong ka GHADC ki dei ban wan trei noh, khnang ba kin ioh ban pynkhreh noh ia ki tulop jong ki nongtrei.
Kane ka jingsangeh trei kam jong ki nongtrei ka GHADC kala ktah ruh ia ki paidbah kiba don wan don kam ha kaba ia dei bad ki paidbah jong ka Garo Hills. Nalor kaba ka Executive Committee kala ai ia ka jingkular ban siew ia ka tulop jong ki nongtrei lada khlem shna ia ka tulop ka jingeh kan long ia ki nongtrei hi.
Kumba ka long ka GHADC ka dei ruh ban ai ia jingthoh sha ki briew kiba hao bap ban siew ia ki khajana sha kane ka ophis hynrei da ka jingbym don ki nongtrei kala buh ruh ia ka ophis ha ka jingeh kaba khraw. La ong ba ka jingsiew na ka bynta ki iew kihat la dei ban siew ha ka 30 tarik mynta u bnai, la kyntu ia ki nongtrei ba kin wan ban trei noh.
Na ka liang jong ka Executive Committee kala dep ban kular ban siew ia kane ka tulop ka jong ki kaba sah hapoh ka shibnai hynrei lada ym ba pynkhreh ia ka tulop kan long ka jingeh ia ki nongtrei hi da la dei ka por siew, kumta la bthah ia baroh ba kin poi leit trei noh, kane ka long katkum ka hukum kaba la pynmih da u Secretary Executive jong ka GHADC.
