Shillong, Naiwieng 21: Ka e Reserve Bank jong ka Ri India kala ong ba ia ki pisa nar la shna da ka sorkar India bad kine ki pisa ki don ia la ki jong ki jong ki dur jong ki bad kane ka jingdon jong ki dur ka long ka jingainam na ka bynta ki kam ki bapher bapher na ka por sha ka por.
Ki pisa kiba la don kham slem ki don la ka jong ka dur bad kiba mih thymmai ki don la ka jong ka dur bad ia ka dur kaba kylla ka dei tang ka ‘Rupee symbol’ ha ki pisa ba la shna ha dien u Naitung jong u snem 2011. Ki pisa ki bym don ia kane ka sumbol kiba la shna shuwa katei ka snem ruh ki dei hu ki pisa bad ki paidbah ki dei ban pdiang ia ki.
Na ka liang jong ka RBI kala ioh jingtip ba ki don ki briew kiba ym pat da sngewthuh ia kane kila don ka jingartatien bad ki bad wat ki nong shong dukan ruh kum juh ha kaba ia dei bad ka jingdon jong kine ki pisa ha iew ha hat.
Na ka liang jong ka RBI ka kyntu ia ki paidbah ba kimd ei ban sngap ia kum kine ki jingpynsngewthuh bakla, ki dei ban pdiang ia kine ki pisa namar ki dei kiba la shna da ka sorkar khlem da don kano kano ka jingsngewkhohnioh.
Haba ia dei bad kane ka jingbym treh jong ki briew ia ki pisa nar shiphew tyngka na ka liang jong ka sorkar jylla lyngba ka tnad pla pisa kala shim khia ban pan jingpynshai ha kaba ia dei bad kane ka kam ban weng ia ka jingsngewthuh bakla na ka jingmut jingpyrkhat jong ki paidbah bad ka RBI ruh kala ai ia katei ka jingpynshai kumba la pan da ka sorkar jylla.
