Shillong, Rymphang 02: Mynta ka sngi u myntri rangbah ka jylla u la khot ia ka jingialang jong ka Kabinet ban ia kren halor ka jingpynbethei bom kaba la jia ha Khyndailad ha ka meit sngi u blei.
U Mytnri Rangbah ka jylla u Conrad K Sangma haba kren ha ki lat pathai khubor na ka liang jong u myntri rangbah ka jylla u la iathuh ba baroh ki briew kiba don kti ha kane ka kam la ioh ban kem saw ngut, kiba shah kem ki long naduh kito kiba die ia u Dynamite, ba shna ia u Bom bad ia u ba leit ban buh ia u Bom.
U Myntri Rangbah la kren shai ba ka sorkar kan nym map iano iano ruh kiba don kti ban pynshong syier kane ka long ka khubor kaba shai bad baroh kiba don kti ka sorkar kan nym ieh hynrei kan kem ia kiba don kti.
U Myntri Rangbah la ong ba ia u wei u Bomb a khlem pat pyndon kam la ioh ban kurup na iing jong u wei u ba don kti bad ia ka dur jong ki la ioh shai na ki dur bala ring da ki CCTV bad lai ngut la kem ia ki katkum ka jingioh na ki dur kiba la ioh bad ia u bom bala ioh na iing ruh la kem lang.
Ha kane ka jingialang la wan rah ruh ia ka jingkynkylla ha ka Meghalaya Agriculture Produce bad Live Stock Marketing Promotion Felicitation Act 2020, kane ka jingpynkyllla ka long kaba rit kam dei kaba bun.
