Shillong, Naiwieng 10: U myntri khynnah kam poh iing jong ka sorkar pdeng u Kiren Rijiju u la ong “ kito kiba pyrshah ia ka rai jong ka sorkar ban bujli thymmai ia ka pisa ka mut ki don ia ka pisa beain bad ki” ia kane u la kren ha ki nongthoh khubor mynta ka sngi ha St Anthony’s College.
U myntri ka sorkar pdeng u la ong “ ha kine ki khyndait sngi kan don ka jingeh ia ki paidbah, hynrei ba wan rah ia ka jingkylla na ka bynta ka roi ka par jong ka Ri Baroh kawei, u kyntu ia ki paidbah ba kin long kiba iaishah”.
La ong shuh shuh b aka tand kampoh iing la slem kala kwah ban pyntrei kamnoh ia kane ka jingbujli thymmai ia ka pisa, namar ba ka jingdon ki pisa thok ha kane ka Ri kala jylla palat namar ki nongshuh jong ka Ri ki pyndon kam ia kine ki pisa ban pyntlot ia ka Ri India.
Kane ka rai jong ka sorkar ban bujli thymmai ia ki pisa ka long ban khanglad ia ka pisa beain, ban khanglad ia ki lehnoh ha kaba thied tiar ialeh bad kane ka long ban the la kam ia ki kamsniew baroh ha kane ka ri.
Ban iakhun pyrshah ia kine ki jingeh kiba ka ri ka don, don kam ia ki dawai kiba khlain bor ban pynjem ia ka jingpang bad kane ka dei ka lynti ba hap ban leh da kaba tygneh ban weng ia kane ka jingeh jong ka ri kaba ka ia kynduh mynta la bun bun snem.
U myntri Rijiju “u la kren shai kdar ba ka pisa lut 500 badlut 1000 tyngka kam duh kumba la pynsngewthuh bakla da mano re, ka pisa ka dei hi ka jong phi hi, hynrei ka long ba phi hapban leit thep ia ka sha bank lane leit ban bujli ia ka ban ioh da kaba thymmai”.
