Ha kane ka dorkhas kaba la phah sha ka myntri kampoh iing na ka liang jong ki seng bhalang na Garo Hills kila ong ba kine ki smala kila wan ban pyndem ia lade ha dien ba ki seng niam ki seng trei mon sngewbha kila kyntu ia ki ba kin wan sha khmat ban ait ia lade ha ka sorkar na ka bynta ban wanrah ia ka jingshong suk ha Ri Lum Garo.
Dei halor kane ka jingkyrpad mynta kila wan bad ia ki la buh ha Georagre battalion kaba don ha West Garo Hills District , khlem da don kano kano ka jingiaphylliew jingmut bad ki, kine ki seng bhalang ki iohi ba don kam ia kane ka jingiakren bad kine kila wan sha ka lynti ban im noh ha ka lynti kaba dei.
Kine ki seng bhalang na Garo Hills, kila dawa na ka sorkar ba dei ban ai jinghikai ia ki ha kano kano ka kam kaba kin trei katkum ka jingpule ka jong ki bad kat kum ka jingtbit ka jong ki khnang ba ha kip or ki ban sa wan kin lah ban ieng hala ki jong ki kam ki jam ban bsa ia ka iing ka sem bad kum juh ia lade.
