New Delhi, Naitung 13: Mynta ka sngi ka tand kam poh iing jong ka sorkar pdeng kala khot ia ka jingialang jong ki san tylli ki jylla kiba ia khap bad ka Bangladesh, kaba kynthup ia ka Assam, West Bengal, Tripura, Meghalaya bad Mizoram. Ia kane ka jingialang la pyniaid da u Susheel Kumar, Secretary bad dei peit ia ki khappud.
Ka jingkhot ia kane ka jingialang kaba long ban ia kren halor ki jingjia kiba dang shen ha Bangladesh bad ka don ka jingma mynta ba ki briew n aka thie ka Ri ki lah ban wanrung sha kane ka Ri India, ka daw ka long ba ki don ki jylla haba ki ioh ban kem kim juh register da ka FIR pyrshah ia kito ki briew kiba leh ia ki kam sinew ha khappud.
Ha dien ka jingiakren kaba sani la shim ia ka rai ba ki Director general jong ki pulit ki dei ban don ka jingialang kaba man u bnai bad ki IG jong ki shipai BSF katkum ki jylla ki jong ki, kane ka long ban wanrah ia ka jingiatreilang ba kham jan bad ia ki jingujor FIR dei ban ujor da ki pulit jong ki jylla halor ka jingai jingtip jong ki BSF.
La thaw ruh ka ia ka “Task Force” ka ban khlieh da u DGP, jong ka jylla West Bengal bad u ADG ba dei peit ia ki kam border jong ka jylla Assambad IG jong ka North Bengal , South Bengal bad Guwahati Frontier jong ki BSF kin long ki dkhot jong kane ka Task focre bad la bthah ba lada don kano kano ka kynhun kaba don kti ha kine ki kam runar ha khappud dei ban leh ei ei bad ia ka kaiphot dei ban ai hapdeng shibnai.
Ia ki jingkhein kiba ia dei bad ki kam dakaid kiba la jia ha ka jylla kiba la buh jingthoh da ki shipai BSF, kum ka, Assam, Tripura, Meghalaya bad Mizoram dei ban ai sha u DGP jong ka jylla jong ka West Bengal kane ka long ban ioh ban bud dien ia ki nongleh kam sniew ha ki khappud.
Ban pynlait iaki jingeh jong ki paidbah kiba shong shnong ha syndah pud bad ka Bangladesh ba kajingker sainar shiah kan iaid, ha kum kine ki shnong ia ka jingker sainar yn ker noh na u Zero Line khnang ba ki shnong kin don hapoh jong ka jingker sainar, la bthah ruh ia ki sorkar jylla ba ki dei ban pynioh ia ki jaka ha khappud na ka bynta ban shna ia ki jingdonkam jong ki shipai.
