Jowai, Jymmang 17: Ka myntri ba dei peit ia ki Lower Primary ka Debora Ch Marah kala ong ba ki skul ka dei ka thymmei jong ka roi ka par ha ki liang baroh, ia kane kala kren ha kaba buh ia u mawnongrim jong ka iing skul Ambrose Memorial Secondary School ha khliehriat bad ia ka Byndihati Secondary School, ha Byndihati.
Ka myntri kala ong ba ia kine ki skul ban tei thymmai la bei pisa da ka Asian Development Bank, ka jingtei ia ka iing skul hapoh Khliehrait kan long T.1.68 klur, katba ia ka Byndihati pat kan long T.1.75 klur. Na ka liang jong ka sorkar kala jied ia kine ki ar tylli ki skul ban tei thymmai na ka bynta ban kyntiew ia ka pule puthi ha katei ka dong bad ka thain.
Da ka jingtei ia kine ki iing skul kiba thymmai kin don byn ki jingmyntoi na ka bynta ki nonghikai bad kum juh ia ki khynnah skul, ha kaba kin don ki Digital Class, Smart Class bad kiwei kiwei de bad ka myntri ka la ong ba da kaba ioh ia ka ing skul kaba thymmai kan iarap ban kyntiew ia ka pule puthi.
Ha ka jingkren jong u Bah Justine Dkhar MLA jong kane ka jaka u ba dei u nongseng ia kane ka Ambrose Memorial School, Khliehriat u la ong ba ia kane ka skul ka seng ha u snem 2000 bad la pynkiew kyrdan sha ka Secondary ha u snem 2006. Kiwei kiba la kren ha kane ka jingialang ki long u Bah M. S. Lhuid, Deputy Commissioner, East Jaintia Hills District bad u Ambrose Ch Marak, Director of School Education bad Literacy.
