Shillong, Lber 08: U Myntri ba dei peit ia ka tnad pule puhti u bah Lahkmen Rymbui haba jubab ia ka jingkylli jong ka kong M. Ampareen Lyngdoh, la ong ba ki skul ki dang shu sdang ban plie kumta ym pat lah ban ioh ia ka jingkhein ha kaba ia dei bad ka jingpep skul.
U Myntri ka tnad pule puthi la ong ba ka sorkar kala pan ia ka jingkhein na ki skul ha dien ba la ioh ia ka jingkhein yn sa lah ban tip ia ka jingpep skul jong ki khynnah namar ka jingplie biang ia ki skul ka dang shu sdang.
Haba ia dei bad ka jingthung ia ki nonghikai ha ki skul kane ka dei ka ban dang iai bteng, na ka liang jong ka sorkar ka sngewthuh ia kane ka jingdon kam ia ki nonghikai bad ka jingthung nonghikai ka dang iaid.
Haba jubab ia ka jingkylli bala wanrah da u Saleng A Sangma kaba dei bad ka jingong ba bun na ki miej ki shukina ki skul kila shah tuh namar bym don skuk ha kine ki ar snem, na ka liang jong u myntri la ong ba ym pat ioh kano kano ka jingujor halor kane.
Ka MLA jong ka Selsella Ka Ferlin C.A Sangma kala pyntip hapoh ka iing dorbar ba hapoh Dadengre Civil Sub Division ki don 23 tylli ki skul kiba khlem nonghikai kiba dei ban don 184 ngut bad bun ki iing skul ruh kila jot.
