New Delhi Jymmang 04: ka jingialang jong ka Consultative Committee jong ka tnad DoNER kaba la long ha nongbah Delhi ha kaba la ia donlang ki MP jong kane ka thaiñ shatei lam mih ngi jong ka Ri India kila ia kren bun ki kam pynroi bad ha kane ka jingia kren ka phang pdeng kaba kongsan ka long ban shna iaki surok bad ki kad liengsuiñ ha kane ka thaiñ.
U myntri khynnah ka DoNER u Dr Jitendra Singh u pynpaw ia ka jingsngewnguh ka jong u ia ki MP kane ka thaiñ kiba la ia shim bynta ha kane ka jingialang ban ia kren ha kaba ia dei bad ka roi kapr jong ka North East, wat hapdeng ka jingiasngewthuh bakla ha ki katto katne ki bynta hynrei ki ia lang kawei ban ia tei ia ka thaiñ.
Na ka liang jong u myntri rangbah duh jong ka Ri u Narendra Modi u la skhim khia ia kaei kaba ki MP kane ka thaiñ kila pynsngew iaka jingeh ka jong ki, ki don ki jingeh ha kaba phah slem ia ki DPR ka jingbymlah jong ki sorkar jylla ban ai ia ka utilisation certificate bad bun kiwei kiwei dei hynrei la ong ba ai kine ki dei ban khang lad ia ka roi ka par jong ka thaiñ.
At the meeting, the members observed two-minute silence in the memory of former Lok Sabha Speaker and eminent Northeast leader and MP, Shri P A Sangma,
U Dr Jitendra Singh u la ai jingmut ba ia ki jingialang ban ia kren nangne sha khmat dei ban long haki jylla jong ka dong shatei lam mih ngi jong ka Ri India ha ka jaka ban pynlong ha ka Nongbah Delhi ban sngewthuh kham bha ia ka dong bad ka thaiñ.Ha kane ka jingialang la don ruh u secretary ka DoNER, u Naveen Verma, u Secretary North Eastern Council, u Ram Muivah bad kiwei ki heh sorkar.
Ha kane ka jingialang la pynlong ruh ia ka jingsngap jar kaba arminit ban kynmaw burom ia u speaker ba rim u Purno A Sangma bad kum ka jingburom ia u ba u long shisha u wei na ki riew khraw jong kane ka dong shatei lam mih ngi jong ka Ri India.
