Shillong, Rymphang 10: U Additional Chief Secretary ka jylla u Dr. Shakil P Ahammed ba dei peit ia ka tnad Water Resources, ha ka jingpyni jong u ka Power Point ha ba ia dei bad ka kam um la kdew ba 60% ki tyllong um ha ki jaka lum ki la tyrkhong.
Kane ka jingkhein kaba la kdew da u tei u heh ka sorkar jylla ka dei lang ruh ia kane ka jylla Meghalaya bad na ka liang jong ka tnad sorkar kala ialeh ban wat ia ki lat ki lynti kumno ban pynneh pynsah ia ki um kiwah.
La ong ba kumba ka long mynta ka jingdon kam um ka dang biang ban pyndon kam hynrei 20 snem nangne sha khmat kam don ka jingkyrduh um lada ym lah ban iada, kaba kongsan mynta ka long kumno ban pyndon kam ia ka um ha ka rukom kaba jainai.
Kane ka jingryngat noh ka um 60% ka um ha ki jylla ba long lum kane ka dei ka dak kaba don ha ka jingma, namar ki jaka lum kim lah ban bat ia ka um, ym kum ki jaka ba long madan, kane kan dang pynjynjar shuh shuh ha kaba ia dei bad ka um.
Ban iada na kane ka jingryngat ki tyllong um, kam don lynti shuh da kumwei, lat noh tang ban pynneh pynsah ia ki khlaw, sumar ia ki tyllong um la ong ba kum kane ka jingialang ka long kaba don kam ban ia mir jingmut ban pynneh pynsah ia ki um ki wah.
