Shillong, Rymphang 28: Ka tnad ka koit ka khiah kala pyntip ba mynta ka sngi kiba la test COVID-19 positive ki don 36 ngut, kiba la test positive ki don East Garo Hills 5, East Jaintia Hills 1, East Khasi Hills 7, North Garo Hills 6, Ri Bhoi 3, South Garo Hills 2, South West Garo Hills 2, South West Khasi Hills 4, West Garo Hills 1, West Khasi Hills 5 ngut.
Kiba la ioh ia ka jingkoit na kane ka jingpang mynta ka sngi ki don 28 ngut, kiba la koit East Jaintia Hills 3, East Khasi Hills 9, North Garo Hills 4, Ri Bhoi 4, South West Garo Hills 1, West Garo Hills 7 ngut, kiba la koit baroh na kane ka jingpang ki don 91699 ngut ha ka jylla baroh kawei.
La pyntip ba kiba khlad na kane ka jingpang mynta ka sngi don 1, ba khlad dei na East Jaintia Hills District, kiba khlad baroh na kane ka jingpang haduh mytna ha ka jylla baroh kawei kila kiew sha ka 1578 ngut, kiba khlad bun eh dei na East Khasi Hills 1069 ngut.
Kiba dang shitom na kane ka jingpang ha ka jylla baroh kawei ka don 196 ngut, kiba don ha ki jaka ai jingsumar ki long 30 ngut, ha East Khasi Hills ki don 26 ngut, Ri Bhoi 2, South West Garo Hills 1, West Garo Hills 1.
