Shillong, Iaiong 15: Ka shad Suk Mynsiem kaba 113 bala pyniaid da ka Seng Khasi Kmie Mawkhar kaba lai sngi lynter kala kut mynta ka sngi kaba la long ha Madan Weiking ha kaba da ki lak ngut kila wan ban sakhi lang ia kane ka sngi.
Ki thei samla bad ki rang kynsai kiba la wan ban ia shim bynta ha kane ka shad ka kmen ha Madan Weking ha kine ki lai sngi naduh ka sngi noh kjat ka sngi kaba ar bad mynta ka sngi kut kila kot sha ka 1600 ngut.
Ha ba iakren bad ki nongthoh khubor na ka liang u Vice President jong ka Seng Khasi Seng Kmie u Rgh R S Rumnong u la ong ba ka Shad Suk Mynsiem mynta u snem 2024 ka dei ka jingshad ka ba 113 sien.
U la ong ruh ba wat la ki bor jong ka mariang ki la pynthud ia kane ka jingle kmen hynrei kiei kiei baroh ki niam ki rukom ki iaid beit iaid ryntieh bad ki nongshad ki la ioh ban shad ainguh ia u Blei Trai Kynrad.
Hakne ka sngi pynkut ia ka shad Suk Mynsiem 2024 la ioh ban pynlong da ka duwai na u Rgh D L Nongbri, la ioh ruh ia ka jingpynhap ia ka lama jong ka seng da u Rgh Khlur Sing Lyngdoh bad la ioh ruh ia ka jingduwai na ki sengbah ki nongshat nongkhein.
