Shillong, Lber 05: ka jingpynjari ia ka korphiew kaba saw sngi lynter hapoh Iewduh kiba la shah ktah eh dei kiba buh dukan die jhur bad die soh, namar ba kine ki dei ki mar pyut.
Mynta ka sngi ha ki kynta ba la pynlait ia ka korphiew hapoh iewduh baroh ki dukan kila pli bad kiba la shah ktah eh dei ki nongdie jhur ha kaba u jhur jong ki ha ki dukan la bun u ba pyut.
Ki nongshong dukan die jhur mar iaplie ia ki dukan jong ki kila iathuh ba kala sma iewtung na ka jingpyut ki jhur hapoh dukan bad bun na ki jhur la hap ban shubret sha madan namar ba kim long shuh ban die.
Ha jaka die jhur la iohi ba u jhur u la long shibun bah namar ba ki nongshong dukan jhur kila hap ban bret ia u jhur, haba la ia kren bad ki katto katne ngut kila pynpaw hato ka sorkar kan iarap lem ne em ha kaba ia dei bad kane ka jingduh.
