Shillong, Nailar 28: Ka tnad ka koit ka khiah kala pyntip ba ha Meghalaya kiba don ha ki hospital kiba dang shah sumar na kane ka jingpang COVID-19 positive ki dang don 39 ngut, ha East Khasi Hills 27, Ri Bhoi 2, South Garo Hills 3, West Garo Hills 6, West Jaintia Hills 1.
Kiba la test COVID-19 positive mynta ka sngi ki don 6 ngut, na East Khasi Hills 1, South West Garo Hills 2, West Garo Hills 2, West Jaintia Hills 1, kiba la ioh ia ka jingkoit mynta ka sngi ki don 10 ngut, kiba dag shitom baroh ha ka jylla ki don 94 ngut.
Katkum ka jingkhein ryntih kaba la buh da ka tnad ka koit ka khiah naduh ba sdang wan kane ka jingpang haduh mynta ka sngi kiba la test COVID-19 positive ki long 96410 ngut, kiba la ioh ia ka jingkoit baroh ki long 94699 ngut bad kiba khlad na kane ka jingpang ki don 1617 ngut.
