Shillong, Naitung 15: U Mytnri ba dei peit ia ka tnad ka koit ka khiah u Bah AL Hek u la iathuh ba mynta ka sngi baroh kiba la test COVID-19 positive ha ka jylla ki long 28 ngut, na kine 19 ngut ki dei ki shipai BSF bad 9 ngut kiwei pat ki dei ki shipai, 6 ngut ha East Khasi Hills bad 3 ngut ha Ri Bhoi District.
Baroh kiba la test COVID-19 Positive ha ka jylla haduh mynta ka jan miet por 5.00 baje janmiet ki long 297 ngut. Ha East Khasi Hills District 261 ngut, ki BSF ki long 198 ngut, kiwei ki long 49 ngut bad ki shipai ki long 14 ngut. Kiba la koit haduh mynta kila kiew sha ka 47 ngut.
Ha Ri Bhoi ki don 22 ngut, East Jiantia Hills 2 ngut, West Garo Hills 8 ngut, South Garo Hills 2 ngut, East Garo Hills 1 bad North Garo Hills 1. U ba la koit mynta ka sngi u wei dei u BSF ha Tura.
Kiba la test haduh mynta ki long 25263 ngut kiba long negative ki long 24597 ngut, ka reslot ba dang ap ki long 320 ngut, kiba la wan phai sha ka jylla haduh mynta ka sngi kila poi sha ka 21977 ngut.
Ka jingtest paidbah ia kiba don saw dong ka ktem ki shipai BSF Umpling la sdang mynta ka sngi, ha shnong Umpling bad ia kiwei ki jaka kum ka Nongmynsong, Mawpat, Langkyrding yn sa sdang la shai ka sngi.
Ka jingleh ia ka test naduh Khanapara B ter ter sha 13 Miles bad 9 miles hapoh jong ka Ri Bhoi District la lah ban pyndep bad baroh ki long Negative, ki 17 ngut kiba long Positive kidei kito kiba ia jan bad u ba shitom nyngkong ba trei ha Greenwood Resort Assam.
