Shillong, Lber 01: Ka seng samla pule Jaintia students’ union ka shim ia kane ka kabu ban kitbok kit rwiang ia baroh ki samla pule Khasi bad Jaintia kiba shen kin sa iakhun ia ki eksamin bapher bapher ki jong ki ha kine ki khyndiat sngi ki ban wan.
Ha kum kane ka juk kaba mynta kaba long ka juk jong ka jingiakhun ki samla ki don kam ym tang ban ioh kheit ia u soh ka jingjop hynrei ban kiew ruh sha ki kliar jong ka jingjop.
Shuh shuh ka juk jong ka mynta ka dawa shibun kiei kiei na ka bynta ka jingbha bad jingmyntoi ka imlang ka sahlang, kumta ka na ka liang ka Seng ka kyntu ia ki samla pule ka bri u Hyniewtrep ban trei borbah bad minot thop khnang ba kin wan sha khmat ha ki jingpule ki jong ki.
Kane ka long katkum ka kyrwoh ba lah phah da u Education Secretary ka Seng u Samla Request Pakma uba long ruh u General Secretary ka JSU Shillong Circle.
