Shillong, Jylliew 01:U MP na ka jylla Assam u ba dei u nongai ktien jong ka All India Congress Committee (AICC) U Gautam Gogoi mynta ka sngi u la ong ba u kloi ban ia thain nia bad u nongialam ka BJP u Nalin Kholi u ba dei u nongaiktien jong katei ka party BJP ha kaba ia dei bad ki mat kiba ktah ia ka dong shatei lam mih ngi jogn ka Ri India.
Haba kren ha ki nongthoh khubor mynta ka sngi ha Congress Bhavan ha Shillong , u tei u nongialam jong ka seng Congress u la kynnoh ba ka party BJP ka dei ka party kaba ar sap, u la kynnoh ruh ba ka BJP kala synshar ia kane ka jylla ha ki lai tylli ki “D” Divided “Pyniapara” Destory “Pynjot” bad Distract “Pynthud”.
Na ka liang jong u tei u nongialam jong ka seng Congress u la kynnoh ba ka BJP ka ialeh ban bsiap ia ka jingmud jingpyrkhat jong ka seng ,Hindutwa ha kane ka dong shatei lam mih ngi, ki ialehkai politic bad ka Masi, ka BJP kaba la kular ar klur ba pynmih ia ki kam na ka bynta ki samla hynrei kala pynmih pynban ia ki kynhun khynra masi.
U tei u MP na ka jylla Assam u Guatam u la kynnoh ia ka BJP ba kala phail ha baroh ki liang, la ka long ha ka liang ka ioh ka kot, la ka long ha ka jingiadei bad ki ri jong ka pyrthei, ha kaba ka Ri Russia kaba dei ka Ri kaba ia jan eh bad ka Ri India mynta kan pynlong ia ka jingiakilan met hapdeng ki shipai jong ka Russia bad ka Ri Pakistan ka nongshun jong ka Ri India.
Haba la kylli ha kaba ia dei bad ka Lyntirel kaba la pynshong syier ha ka jylla, na ka liang jong u Guatam u la ong ba ka Congress kan sa leh ia kano kano ka kam kaba bha tam da kaba ia mir jingmut lang bad baroh ki riew paidbah bad ia kane ki nongialam jong ka party na kane ka jylla kim lah ban tip kham bha.
U la ong ba ki paidbah jong ka jylla Meghalaya ha u snem 2018 kin sa ai ka jubab, u la ong ba ka Congress kan dang wan biang ha ka bor , halor ka jingkynnoh jong ka BJP ba ki nongialam jong ka seng Congress kiba bamsap, ka pyni ba ka BJP ka kham palat ban ia seng Congress namar ka pdiang ia ki nongialam jong ka seng sha ka party jong ki, kumba ka long ka BJP kam shym leh ei ei ban ia leh pyrshah ia ki kam bamsap.
