Shillong, Lber 19: Ka dei ka sien kaba nyngkong ha ka histori jong ka iing dorbar thawain ka jylla,ha kaba kala don ka jingiakren da ka ktien khasi bad ka ktien Garo ha kaba ia tai halor ka jingkren jong u Lat hapoh ka iing dorbar thawain ka jylla.
Ka Dr M Ampareen Lyngdoh MLA jong ka seng Congress , kala kren nyngkong hapoh ka iing dorbar da ka ktien khasi ha dien ba kala dep ban ai sha u shongknor jong ka iing dorbar ia kaei kaba ka mut ban kren da ka ktien phareng bad ha dien jong ka Dr Ampareen la kren sha u Bah Adelbert Nongrum na ka seng KHNAM, da ka tien khasi.
Katba na ka liang jong u MLA jong ka NCP u Salseng Sangma u la kren da ka ktien Garo hapoh ka iing dorbar bad ha dien u la kren noh da ka ktien phareng. Kane ka long ka sien kaba nyngkong ba kum kane ka jia hapoh ka iing dorbar thawain jong ka jylla Meghalaya.
