Shillong, Kyllalengkot 04: U Bah paul Lyngdoh Chairman jong ka Public Account Committee (PAC) jong ka iing dorbar thawain ka jylla Meghalaya u la khot ia ka jingialang ban bud dien ia ka jingia die iathied jaka jong ka tnad khlaw hapoh Mawphlai hapoh Ri Bhoi District ba ka don ka jingkynnoh ba kadon ka jingialeh thok ha ka iai thied jaka.
Haba bud dien ia kane ka jingjia mynta ka sngi ka tand pulit CID, ka SP ka kong C Lyngwa kala kular hahmat jong ka PAC ba ia kane ka jingtohkit ha kaba ia dei bad katei ka jingiathied jaka hapoh ka shnong Mawphlai kin pyndep ia ka jingtohkit ha u bnai Rymphang u ban wan.
Haba ia dei bad kane ka jaka hapoh ka shnong Mawphlai, kaba la thied da ka tnad khlaw haduh phra klur tyngka, kala don ka jingsuba ba ka don ei ei sha lyndet jong kane ka jingiathied jaka na ka shnong katba ka jingsiew ia ka pisa pat ka long ha u wei u riew shimet. Ka jingbut dien jong ka PAC ha kaba ia dei bad kane ka kam ka long ban lap ia ka jingshisha.
Kane ka kam ka dei kaba la slem bha naduh u snem 2012 la sdang ia ka jingwad bniah hynrei kala sa teng ba dei tang ha dien b aka tand pulit kala shim khia ban tohkit ia kane ka kam bad mynta ki la ai ia ka kaiphot sha ka PAC, bad ia ka jingtohkit kaba pura la ong b aka tand pulit kan sa ai haba kut jong u bnai Rymphang, la ong u Chairman jong ka PAC.
