Shillong, Nailar 17: Ka seng Hynniewtrep National Youth Front (HNYF) Madanrting Circle kala leit ban ai da ka jingthoh ia sha u Deputy Commissioner jong ka East Khasi Hills, ha kaba kila dawa ba dei ban leh ei ei halor ka dukan kyiad kaba don ha Madanryting Block F.
Ha kane ka jingthoh na ka liang jong ka HNYF kala ong ba kane ka dukan kyiad ka ia jan bad ka jaka mane blei, kaba dang pliehaduh kine ki sngi, hynrei katkum ka rai jong ka iing bishar ka long ba baroh ki dukan kiba don ha jan ki skul, jaka mane blei bad ki surok bah kim lah ban plié lada ki long hapoh jong ka 200 meter.
Halor kane ka jingujor na ka liang jong u Bah PS Dkhar Deputy Commissioner jong ka East KHasi Hills, u la kular ia ki dkhot jong ka HNYF ba un sa phah ia ki ophisar nap oh ophis ba kin leit ban jurip halor kane ka jingujor la iathuh u bah Donbok Dkhar ha dien ba la dep ban ia kynduh ia u DC mynta ka sngi.
