Shillong, Jylliew 22: Ki samla pulr jong ka Kiangnangbah Government College (KNGC) mynta ka sngi kila leit ban tur sha ophis jong u deputy Commissioner jong ka West Jaintia Hills District da kaba iai iaid paidbah ryngkat bad ki kmie ki kpa jong ki samla kiba khlem pat ioh ban rung klas.
Ha dien ba la poi ha ophis jong u DC na ka liang jong ki bor ba pyniaid ia ka District kila khot ia ki nongialam jong ka KNGC ban ia kren bad ia ki paidbah la phah noh ban ap ha madan Jrisalein. Ha kane ka jingiakren na ka liang jong u DC u la ong ba u la dep ban phah ia ka jingdawa jong ki sha ka sorkar bad ia ka jubab un sa ioh ha ka sngi thohdieng.
Ha kane ka jingiakren na ka liang jong u DC u la ong ba kila wad wat ia ki iing wai ruh ban pynlong klass na ka bynta jong ki khynnah namar kam ngiam shuh ka college hynrei kim shym la lah ban ioh namar kim don ki iing kiba heh ban I biang ban long class.
Ha kane ka sngi na ka liang jong ki nongialam ka KNGC kila kyntu ia u DC ba dei ban pynkiew noh ia ki seat na ka bynta ki khynnah ha ka Government Boy bad Girls HSSLC naka bynta ka class 11 bad klass 12, ka daw jong ka jingeh kaba mih ka long ba kiwei ki college kum ka Thomas Jones College kala rem palat ka bai rung ha kaba ki ba duk kim don lad.
Na ka liang jong ki samla pule la ialam da u Nangroi Lyngdoh bad u Justic P Lyngdoh bad la synran lang da ki samla pule jong ka NEHU. Na ka liang jong u DC u la ong kin sa ia kynduh biang ha ka sngi thohdieng ban ia pynbeit ia kane ka jingeh.
