Shillong, Rymphang 15: Mynta ka sngi ka kynhun shipai BSF na ka kynhun 100 Battalion kala pynlong ia ka jingai mareh ia ki skul kiba don ha ki shnong khappud bad ka Bangladesh ha shnong Dalu ha West Garo Hills District.
Ia kane ka jingiamareh kaba 3 km la plie da u Ajay Kumar Tiwari Commandant 100 Bn BSF, ki skul kiba la wan ban ia shim bynta ha kane ka jingiakop dei na kito ki skul kiba don ha khappud bad ka Bangladesh.
Kane ka jingpynlong ia kane ka jingiamareh ka long ban pynshlur sha ki khynnah ka thain ia ia shim bynta ha ki jingialehkai, kane kam dei tang ba ki ai ka jingithuh ia ka sap ka phong kaba ki don kaba kongsan ka long ban hikai ia ki samla ban peit sha khmat ia kaba bha.
Ha ka jingpynlong ia kane ka jingiakop ban ia mareh la ia don lang ki Molor bad na ka liang jong kila pynpaw ia ka jingsngewnguh ia ka kynhun shipai BSF kiba la pynlong kum kane ka jingiamreh na ka bynta ka jingbit jingbiang jong ki khynnah bad ka koit ka khiah.
