Shillong, Iaiong 16: Ka kynhun shipai 172 battalion jong ki BSF kiba don ha Umkiang jong ka East Jaintia Hills District kila ioh ban bat ia kawei ka bike Bajaj Pulsar Bike (16 A 3466 katba dang thmu ban pynrung sha Bangladesh.
Ki shipai BSF kiba I shan khmat ia katei ka bat kila bat ia ka bad ha ka jingtohkit la sngewthuh ba thmu ban die tuh sha Bangladesh. Ki BSF kila bat ia ka bike bad u ba niah ia kane ka bike. Ki shipai BSF ki bat ia kane ka bike namar kila tip ba ka don ka jingtuh bike bad die sha Bangladesh.
Ha dien bala peit ia ki kot ki sla la shem ba kane ka bike la shem ba ka dei na Assam kumta la aiti noh ia kane ka bike sha ki pulit jong ka Dholai Police Station kaba hap hapoh jong ka Cachar District ba kin leh ia kaba don kam katkum ka ain.
Lah ban pynkynmaw ba ha kine ki sngi ki pulit jong ka West Jiantia Hills District kila ioh ban kurup san tylli ki bike lai tylli ki bym don number, ar tylli kiba don number bad kawei la wan shim da ki pulit na ka jylla Assam.
