Shillong, Rymphang 01: Ki shipai BSF kiba don ha khappud bad ka Bangladesh ha West Jiantia Hills District kila ioh ban kem ar ngut ki briew kiba dei ki nong India katba ki dangmut ban rung sha Bangladesh.
Na kine ki ar ngut ki briew ki shipai BSF kila ioh ban bat ia ki jingsong bala song bad haba la plie ia ki jingsong ba ki kit la shem ba ka dei ka kyiad phareng, baroh ar kit ki don haduh 356 tylli ki bilor kyiad kiba mut ban shallan tuh sha Bangladesh.
Ka jingioh kem ia kine ki briew ka long ha dien ba ki shipai BSF kila ioh ia ka jigntip ba ka don kali kaba la iaid sha jan khappud bad ki shipai BSF ruh kila ker kut bad ioh bat ia ka kali bad ha kane ka kali ruh la lap ba don ki bilor kyiad ia kaba ki BSF kila ioh ban kurup.
Ka jingkurup jong ki BSF ia ka kyiad phareng na kane ka kali ka long ba kitei ki ar ngut kim lah ban pyni I ki kot ki sla kiba biang, na ka liang jong ki BSF ha dien ba kila pyndep ia ki jong don kam kila aiti noh sha ki Customs kiba don ha Dawki.Na ka liang jong ki BSF kila pynkhlain shuh shuh ban khanglat ia ki kam khaii beain ha khappud.
