Shillong, Rymphang 03: Ki shipai BSF kiba don ha khappud bad ka Bangladesh ha Bakli ha dien ba kila ioh ia ka jingtip kila leit ban khynra ia kawei ka iing bad ha kane ka jingleit khynra la ioh ban kurup shibun bah shini na ka shnong na ka shnong Maheskhola ha syndah bad ka Bangladesh.
Ka shnong Maheskhola ka dei ka shnong kaba don hapoh jong ka South West Khasi Hills District bad kane ka jingleit ban khyndang la leit lang bad ki pulit jong ka jylla Meghalaya ha kaba la ioh ban kurup haduh 50,000 kilo ka shini na katei ka iing.
Kane ka shini kaba la buh ha katei ka iing ka long ban phah sha Bangladesh namar ba ym shym don ba wan kam ia kane ka shini ka ha por ba ki BSF bad ki Pulit ki khyndang ia katei ka iing ba la buh shibun bah ka shini.
Na ka liang jong ki BSF ha dien ba kila pyndep ia ki jingdon kam baroh kila aiti sha ki pulit ban leh ia kaba don kam ha kaba ia dei bad u shini bala dep ban kurup ban leh ia kaba don kam katkum ka ain.
Na ka liang jong ki BSF bad ki pulit kiba don ha khappud bad ka Bangladesh kin la ia trei lang ban peit ba kan nym don kano kano ka jingia khaii beain ha khappud bad kane ka long ruh ba ia khun pyrshah ia ki kam beain ha khappud bad ka Bangladesh.
