Shillong, Nailar 20: Ka Federation of Khasi, Jaintia and Garo people (FKJGP) MAWPREM circle ka kwah k
a jingpynshai na office ka DC East khasi hills Shillong ha kaba iadei bad ka containment zone kaba hap ha thain Mawprem.
Ka jingpan jingpynshai ka long namar ka containment zone katkum ka hukum na DC Shillong ka dei ia ka upper mawprem, jhalupara bad Mawbah hynrei ia ka Lower mawprem kam shem don ha ka containment zone.
Hynrei bun bah ki paidbah ba sah ha ki thain lower mawprem ki shem jingeh ha ba ki leit sha ki kam ki jam, wat haba leit shim dawai na ki hospital bad ki pynjynjar ia ki paidbah bad ki ong ba ki wan na ka containment zone bad ki pynhap ruh ia ka lower mawprem baroh kawei.
Ka seng FKJGP ka kwah ka jingpynshai na ka liang ka DC East khasi hills ban ai ka jingpynshai kaba pura khnang ban iatip paidbah Lang kumjuh bad ka containment zone ka dei naduh nangno haduh hangno bad naduh tarik sdang bad lano kan kut namar ki briew kiba shim kabu ban kynnoh ia baroh ba ki dei na containment zone.
Na ka liang jong ka seng kam lah ban pdiang bad ha kajuh ka por dei ban kren pynshai paidbah khnang ban nym wanrah ia ka jingsha neiw bein ne shah kdew kti. Kane ka long katkum ka kyrwoh kaba la phah da u Bah Reginald Thabah President Mawprem circle.
