Umiam, Lber 22: Mynta ka sngi ka party HSPDP ha ka jingialang jong ka Central executive Committee kaba la long ha Orchid Umiam ha Ri Bhoi District kila shim ia ka rai ban Kyntu ia ki para seng riewlum ban ia treilang ha ka ilekshon MLA ha u snem 2023, la ong u bah KP Pangniang President ka party.
Kiwei part ki jingiakren ha kane ka jingialang la shim ia ka rai ban ia pynkhreh ia ka MLA Ilekeshon ka ban long ha u snem 2023 bad la thaw ia ka Central Election Committee ban pyniaid ia kane ka kam sha khmat.
Ka jingialang kala ia kren ruh ban thoh ia ki kular ilekekshon bad ka phang kaba ha khmat eh ka long ban pynbeit ia u pud u sam bad ka jylla Assam nalor kane ki don sa kiwei kiwei ruh ki bynta kbia ka party kan sa pynmih ia ki kular.
Haba jubab ia ki jingkylli u bah Samlin Malngiang MLA, ka ong ba ia kane ka jingiatreilang bad kiwei ki seng riewlum kin sa dang ia kren namar kumba ka long mynta kila don lypa ha ka Regional Democratic Alliance bad ka UDP bad kin sa dang ia kren la kin bteng ia kane ka kam.
U bah Martle N Mukhim MDC u la ong ba kum ka party ka kwah ban don ia ka jingiatreilang bad ki seng riew jong ka jylla, kane ka dei ka jingkwah jong ka party HSPDP lada lah ban ia treilang ban ioh thaw ia ka sorkar da ki seng riewlum.
