Shillong, Risaw 07: Ki nongialam jong ka Hynniewtrep Youth Council (HYC) mynta ka sngi kila leit ban ia kynduh ia u Syiem jong ka hima Mylliem u Pa’im Ricky Nelson Syiem ban pynkynmaw ia u halor ka jingthoh kaba ka seng kala dep ban ai la bun bun bnai, halor ka Guru Dawara kaba don ha Iew Mawlong bad ki ba sah hapoh iew die masi ha Khanapara.
Ha kane ka jingiakren hapdeng ka HYC bad u Syiem jong ka hima Mylliem, ha ka jingiadon lang ruh ki myntri jong ka hima. Ha kane ka jingiakren kala don ka jingiamir jingmut kaba snai kumno ban leh ia kane ka kam kaba ia dei bad ki tei ki lar tylli ki mat jingdawa jong ka HYC nalor kiwei kiwei ki mat kiba kila dep ban buh ha khmat jong ka hima.
Ha dien kane ka jingialang na ka liang jong ka hima kim shym la kren ei ei sha ki nongthoh khubor ha kaba ia dei bad kane ka kam kaba kila ia kren bad ka seng HYC, hynrei na ka liang jong u Bah Nikson Dohling organizing secretary jong ka seng u la ong ba na ka liang jong ka seng ka kwah ban iohi ba ka hima mylliem ka dei ban pynida ka kam.
