Shillong, Kyllalyngkot 12: U Bah Thomas Passah President jong ka KHNAM youth Wing mynta ka sngi u la phah biang ia ka jingthoh sha u CEM jong ka KHADC u Bah PN Syiem ban pynkynmaw ia u ia ka jingsngewkhia jong ka seng halor ka jingbym don ia ki ain ban khanglad ia ki briew bym dei ki trai shnong ba kin ioh ban ia shim bynta ha ka MDC election.
Ha kane ka jignthoh kaba u la phah mynta ka sngi, la ong b aka seng naduh u snem 2015 kala thoh sha ka EC b aka dei ban leh ei ei halor jong kane ka kam, ka seng kala dawa ba dei ban pynkylla ia ka ADC rule bad ia kane la kren ruh da u MDC jong ka seng u Bah Adelbert Nongrum hapoh jong ka iing dorbar.
Ka seng ka sngewkhia ba ia ka jingbym don jong ka ain ban nym shah ia ki bym dei trai shnong ba kin ia shim bynta ha ka election MDC. Ka jingkwah jong ka seng ban don ia kane ka ain ka long ban pynkhlain ia ki riti dustur jong ka jaidbynriew bad ban iada ia ka khyndew ka shyiap.
