Shillong, Iaiong 09: kwah ki paidbah ba ka PWD kan pynbha noh ia ka surok na Mawphlang sha Weiloi kumba ka dep ban pynbha shuwa ka elekshon ba ka sorkar kan bei pisa T.24 klur tyngka ban pynbha ia kane ka surok kaba don kam.
Da ki spah tylli ki shnong kiba hap ban iaid lyngba kane ka surok, namar ka South West Khasi Hills baroh kawei ka iaid na kane ka suro, ki shong kaa Mawsynram konstitwensi ki iaid na kane ka lynti bad tang kiba hap hapoh jong ka Mawphlang konstitwensi ruh ki ruh phew tylli.
Ki paidbah ki kwah ban iohi ba ka PWD kan pynbha noh ia kane ka surok kumba la pynbna da u myntri rangba ka jylla u Conrad K Sangma bad mynta ka long kaba don bok ba la wan biang kum u myntri rangbah ka jylla bad u myntri PWD ruh kum juh u bah Prestone Tynsong ba dei symbut myntri rangbah ka jylla.
Ha kane ka jingshisha iakane ka surok la pan na ka sorkar pdeng ban pynrung ha ka surok bah, na duh Baghmara sha Mawphlang da kaba iaid lyngba ka Mawkyrwat hynrei na ki daw kiba ym lah ban tip la pynlut ia ka jingshna ia ka surok na ka sorkar pdeng tang na Baghmara sha Khatphra ha Ranikor.
Namar kane ka jingdon kam ki paidbah ia kane ka surok ka sorkar jylla kala pynbna ban pynbha ia kane ka surok sha ka “Intermediate Road” bad ka jinglut ia kane ka surok kaba T.24 klur tyngka yn bei na ka pla tyngka jogn ka sorkar jylla, ki paidbah ki khmih lynti ba ka sorkar kan leh ei ei noh namar ia mynta dang ioh ba la sdang shna ia ki nala ha thipweidong, Mawphlang.
