Shillong, Iaiong 07: Ban pynkhreh ia ka jingialang jong ka G-20 ha kane ka nongbah Shillong ka ban long ha ka 18 tarik mynta u bnai ha kaba 20 tylli ki ri jong ka pyrthei kin wan ban ia shim bynta bad la khmih lynti ba tang ki briew na bar ri kin poi kumba 100 ngut ei ei.
Na ka liang jong ka sorkar Meghalaya ruh kala pynphuh ia kane ka nongbah Shillong da kaba airong ia ki lynti synkieng ha kane ka nongbah Shillong, ka jingsiangrong ia ki surok bad ka jingpynkhuid iaki surok ruh.
Ka jingpynkhreh ban pdiang ia kane ka jingialang kaba kongsan ha kane ka nongbah Shillong kala dang iaid sha khmat ia kaba yn pynlong ha State Convention Centre Shillong, kane ka jingialang kan long kaba kongsan namar kaba khlieh ia kane ka G-20 mynta ka dei ka Ri India.
Ka jingairong ia ki jaka khmatam kum ka Police Bazar ka dei ka pdeng jong ka nongbah Shillong bad ia ki surok kiba dei iaid ki nongwan ia shim bynta ha kane ka jingialang jong ka G-20 la dang pynbha bad ka jingtrei ka dang iaid sha khmat.
